Lidhja Demokratike e Kosovës (LDK) po mban mbledhjen e Kryesisë, ku pritet të diskutohet rreth marrëveshjes së arritur me Lëvizjen Vetëvendosje për kandidatin për president të Kosovës.
Para takimit, deputetja e LDK-së, Jehona Lushaku, tha se e mbështet Bekim Sejdiun si kandidat për president.
“Ne kemi autorizuar kryetarin edhe ekipin për të negociuar dhe ata kanë pasur autorizime të plota për të bërë propozime dhe për t’i diskutuar emrat”, ka deklaruar ajo.
Lushaku tha se paraprakisht nuk e kanë ditur se kush do të propozohej si kandidat për president.
