Koreja e Veriut lëshoi një raketë balistike të paidentifikuar drejt detit në lindje të Gadishullit Korean, tha të shtunën ministria e mbrojtjes e Koresë së Jugut. Agjencia e lajmeve Yonhap e Koresë së Jugut raportoi më parë se Shefat e Shtabit të Përbashkët të Forcave të Armatosura të Koresë së Jugut po analizonin specifikimet dhe rrezen e veprimit të raketës.Koreja e Veriut lëshoi më shumë se 10 raketa balistike me rreze të shkurtër veprimi muajin e kaluar dhe urdhëroi ushtrinë e saj të jetë në gatishmëri të plotë gjatë ushtrimeve të përbashkëta ushtarake midis Koresë së Jugut dhe Shteteve të Bashkuara.
Lëshimi i fundit i raketës vjen pasi Koreja e Jugut, Japonia dhe SHBA-të përfunduan stërvitjet e tyre të përbashkëta ushtarake të premten për të testuar gatishmërinë kundër kërcënimeve raketore dhe bërthamore të Koresë së Veriut.
Më vete, Presidenti i SHBA-së Donald Trump muajin e kaluar vendosi papritur të zvogëlojë ushtrimet ushtarake që ai i përshkroi si armiqësore ndaj Phenianit dhe tha se priste të takohej me udhëheqësin e Koresë së Veriut Kim Jong Un më vonë këtë vit.
