Dhoma e Përfaqësuesve e Shteteve të Bashkuara ka miratuar një projektligj dypartiak për vendosjen e sanksioneve ndaj Rusisë për shkak të vazhdimit të luftës në Ukrainë.
Projektligji, i cili tashmë ishte miratuar nga Senati, u votua të mërkurën me 262 vota për dhe 159 kundër, duke iu dërguar presidentit amerikan Donald Trump për nënshkrim. raporton AP.
Ligji i jep presidentit mundësinë të vendosë tarifa deri në 100 për qind ndaj vendeve, përfshirë Kinën dhe Indinë, që importojnë energji nga Rusia. Gjithashtu parashikon sanksione ndaj zyrtarëve rusë, bankave dhe flotës së anijeve që përdoren për transportin e energjisë ruse.
Presidenti ukrainas Volodymyr Zelenskyy kishte bërë thirrje për miratimin e projektligjit, ndërsa 58 ligjvënës demokratë iu bashkuan shumicës së republikanëve në votim.
Projektligji shënon herën e parë në më shumë se dy vjet që Kongresi amerikan miraton një legjislacion që mbështet Ukrainën. Nisma ishte e lidhur me senatorin republikan Lindsey Graham, i cili ndërroi jetë në korrik, dhe senatorin demokrat Richard Blumenthal.
Kryetari i Dhomës së Përfaqësuesve, Mike Johnson, e përshëndeti miratimin e projektligjit, duke thënë se ai synon të rrisë presionin ndaj Rusisë dhe presidentit Vladimir Putin.
Trump pritet ta nënshkruajë projektligjin, duke e kthyer atë në ligj.
