Për të 12-të natë me radhë mijëra qytetarë janë mbledhur edhe të dielën në sheshin “Skënderbeu” në Prishtinë në mbështetje të ish-krerëve të Ushtrisë Çlirimtare të Kosovës, nën moton “Jo në emrin tim”.
Protesta ka nisur rreth orës 21:00 dhe është shoqërua me mesazhe për drejtësi, si dhe me thirrje drejtuar institucioneve të Kosovës që të ndërmarrin hapa lidhur me aktgjykimin dënues.
Sipas organizatorëve, kjo është dita e 12-të e protestave kundër vendimit të Gjykatës Speciale, e cila ka dënuar katër ish-udhëheqës të Ushtrisë Çlirimtare të Kosovës me gjithsej 81 vjet burgim.
Protestat janë zhvilluar në ditët e fundit në Prishtinë, me pjesëmarrësit që kanë shprehur kundërshtimin e tyre ndaj aktgjykimit dhe kanë kërkuar drejtësi për ish-krerët e UÇK-së.
Protesta kundër aktgjykimit janë mbajtur sot gjatë ditës edhe në Shkup, ndërsa tubime të ngjashme janë zhvilluar në Melburn të Australisë, Oslo të Norvegjisë dhe Gjenevë të Zvicrës e shumë qytete të tjera në mbarë botën. Me flamuj kombëtarë dhe emblema të UÇK-së, bashkatdhetarët po kërkojnë nga komuniteti ndërkombëtar të ndalojë proceset e ndikuara politikisht.
Gjithashtu, sot gjatë ditës Tifo-grupet kosovare kanë protestuar në Prishtinë kundër vendimit të Dhomave të Specializuara ndaj katër ish-krerëve të Ushtrisë Çlirimtare të Kosovës.
Më 1 tetor, ora 16:00, në sheshin “Skënderbeu”, është paralajmëruar protesta “Jo në emrin tim”.
Mijëra qytetarë mblidhen në shesh në mbështetje të ish-krerëve të UÇK-së
Mijëra qytetarë janë mbledhur sonte në sheshin “Skënderbeu” në Prishtinë, në mbështetje të ish-krerëve të Ushtrisë Çlirimtare të Kosovës.
Protesta pritet të nisë në minutat në vijim, ndërsa në shesh tashmë është mbledhur një numër i madh i pjesëmarrësve.
Tubimi mbahet në shenjë kundërshtimi ndaj aktgjykimit të Dhomave të Specializuara në Hagë, me të cilin ish-krerët e UÇK-së u dënuan me gjithsej 81 vite burgim.
Gjatë protestës priten edhe fjalime nga organizatorët dhe pjesëmarrësit.
Protesta kundër aktgjykimit janë mbajtur gjatë ditës edhe në Shkup, ndërsa tubime të ngjashme janë zhvilluar në Melburn të Australisë, Oslo të Norvegjisë, Gjenevë të Zvicrës dhe qytete të tjera në mbarë botën.
Ndërkohë, tifo-grupet kosovare kanë protestuar më herët sot në Prishtinë kundër vendimit të Dhomave të Specializuara ndaj katër ish-krerëve të UÇK-së.
