Eurodeputetë nga grupe të ndryshme politike në Parlamentin Evropian, ndër ta edhe Emill Radev nga GERB/PPE, u bëjnë thirrje ministrave të transportit të rifillojnë diskutimet për ndërprerjen e ndryshimit sezonal të orës në Bashkimin Evropian. Në një letër drejtuar ministrave, ata insistojnë për një zgjidhje të përbashkët evropiane, pasi prej më shumë se 7 vitesh nuk ka pasur përparim, pa ndonjë shpjegim, lidhur me propozimin legjislativ të Komisionit Evropian.
Në sondazhe të zhvilluara në vende të ndryshme, ideja për heqjen e ndryshimit të orës gëzon mbështetje të gjerë.
“Ditën e diel i kthyem akrepat e orës një orë prapa dhe tema mund të harrohet sërish deri në mars, kur do të kalojmë në orën verore. Prej vitesh presim që Evropa t’i japë fund kësaj praktike të vjetëruar”, komentoi Emill Radev. Ai shtoi se ndryshimi i orës dy herë në vit është një praktikë e vjetruar dhe joefikase, e cila ndikon negativisht në ritmin biologjik dhe shëndetin e njerëzve, si dhe vështirëson aktivitetet e tyre të përditshme.
Në letrën e tyre, eurodeputetët theksojnë gjithashtu nevojën për koordinim mes shteteve anëtare, në mënyrë që të shmangen vështirësitë për transportin, aktivitetet ndërkufitare dhe funksionimin e tregut të brendshëm.
