Autoritetet e Monakos njoftuan të hënën vonë në mbrëmje se kishin arrestuar një burrë dhe kishin nisur një hetim për vdekjen e një anëtari të familjes princërore.
Trupi i 29-vjeçarit Antoine de Massy u gjet në një park të dielën në mbrëmje. Shkaku i vdekjes së tij është ende nën hetim, tha zyra e prokurorit të Monakos.
“Të gjitha mundësitë mbeten të hapura, përfshirë atë të një aksidenti të thjeshtë”, tha zyra e prokurorit në një deklaratë.
De Massy ishte nipi i Princeshës Antoinette , motrës më të madhe të Princit Rainier III , babait të Princit aktual Albert .
