Një shtetas i Shqipërisë është gjetur pa shenja jete në Prizren, në orët e para të 1 nëntorit 2026.
Sipas raportit policor, rasti është raportuar rreth orës 01:20.
“Në vendin e ngjarjes kanë dalë njësitë relevante të Policisë së Kosovës dhe ekipi mjekësor, ku mjeku ka konstatuar vdekjen e viktimës”, thuhet në raport.
Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Rasti është duke u hetuar nga organet kompetente.
