Moti në Shqipëri me reshje shiu në të gjithë territorin dhe intervale kthjellimesh

Atsh/Shërbimi Meteorologjik Ushtarak njoftoi se vendi ynë ditën e hënë pritet të ndikohet nga kushte atmosferike të paqëndrueshme.

Moti parashikohet me vranësira mesatare deri të dendura si dhe intervale kthjellimesh.

Reshjet e shiu pritet të jenë të herëpashershme me intensitet të ulët si dhe shtrëngata afatshkurtra në pjesën më të madhe të territorit, ndërsa në orët e mesditës e pasdite në zonën e jugut reshje shiu me intensitet deri mesatar formën e shtrëngatave afatshkurtra shoqëruar me shkarkesa elektrike.

Era pritet të fryjë me drejtim verilindje – juglindje me shpejtësi mesatare 9 m/s me shpejtësi mesatare 9 m/s, përgjatë vijës bregdetare dhe lugina era me shpejtësi deri në 19 m/s, e shoqëruar me valëzim në dete të forcës 3-5 ballë.