Monday, November 16, 2026
HomeLajmeKosovëGërvalla: Pesë marrëveshje ndërkombëtare për avancimin e drejtësisë

Gërvalla: Pesë marrëveshje ndërkombëtare për avancimin e drejtësisë

Qeveria e Kosovës ka miratuar pesë projektligje që synojnë forcimin e bashkëpunimit juridik ndërkombëtar dhe mekanizmave të drejtësisë në çështjet civile dhe penale.

Kështu ka bërë të ditur ministrja e Drejtësisë, Donika Gërvalla, pas mbledhjes së 11-të të Qeverisë.

Projektligjet e miratuara përfshijnë:

– Projektligjin për ratifikimin e Konventës së Hagës për Marrëveshjet për Zgjedhjen e Gjykatës (2005).

– Projektligjin për ratifikimin e Konventës së Ljublanës-Hagës për Bashkëpunimin Ndërkombëtar në Hetimin dhe Ndjekjen Penale të Krimeve Ndërkombëtare.

– Projektligjin për ratifikimin e Konventës së Hagës për Aktgjykimet (2019).

– Projektligjin për ratifikimin e Marrëveshjes për Ekstradim ndërmjet Kosovës dhe Francës.

– Projektligjin për ratifikimin e Marrëveshjes për Ndihmë të Ndërsjellë Juridike ndërmjet Kosovës dhe Francës.

Sipas Gërvallës, këto marrëveshje dhe konventa lehtësojnë njohjen dhe ekzekutimin e vendimeve gjyqësore, si dhe fuqizojnë mekanizmat për luftimin dhe ndjekjen penale të krimeve më të rënda.

“Republika e Kosovës po e forcon sundimin e ligjit edhe përmes bashkëpunimit ndërkombëtar. Drejtësia nuk njeh kufij kur bëhet fjalë për zbatimin e ligjit dhe luftimin e pandëshkueshmërisë”, ka shkruar Gërvalla.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Instagram