Presidentja e Kosovës, Justina Shiroka Pula, ka pritur në takim shefen e Zyrës Ndërlidhëse të Greqisë në Kosovë, ambasadoren Vaiani Gaidatzi, me të cilën ka diskutuar për forcimin e marrëdhënieve dhe zgjerimin e bashkëpunimit ndërmjet dy vendeve.
Gjatë takimit, Shiroka Pula i uroi ambasadores Gaidatzi sukses në misionin e saj diplomatik, ndërsa vlerësoi qasjen konstruktive të Greqisë ndaj Kosovës dhe mbështetjen për integrimin evropian të Ballkanit Perëndimor.
Presidentja theksoi rëndësinë e mbështetjes greke për avancimin e Kosovës drejt statusit të vendit kandidat për anëtarësim në Bashkimin Evropian.
Në takim u diskutua edhe për bashkëpunimin ekonomik, me theks të veçantë në rritjen e investimeve greke, shkëmbimeve tregtare dhe zgjerimin e bashkëpunimit në fusha me interes të përbashkët.

