Friday, November 20, 2026
HomeLajmeKosovëSiguria dhe bashkëpunimi me KFOR-in në fokus të takimit të Kastratit me...

Siguria dhe bashkëpunimi me KFOR-in në fokus të takimit të Kastratit me De Blasin

Vazhdimi dhe forcimi i bashkëpunimit në fushën e sigurisë dhe stabilitetit ishin në fokus të takimit ndërmjet kryetarit të Komunës së Malishevës, Ekrem Kastrati, dhe komandantit të Komandës Rajonale-Perëndim të KFOR-it, kolonelit Giuseppe De Blasi.

Sipas njoftimit të Komunës së Malishevës, gjatë takimit të dy bashkëbiseduesit vlerësuan bashkëpunimin e deritanishëm dhe rëndësinë e thellimit të mëtejmë të tij në funksion të interesave dhe objektivave të përbashkëta.

Kastrati shprehu mirënjohje për kontributin e KFOR-it në Kosovë, veçanërisht në fushën e sigurisë, si dhe për angazhimin e tij në ruajtjen e stabilitetit dhe mbështetjen e zhvillimit të vendit.

Ai gjithashtu e njoftoi kolonelin De Blasi me historikun e Malishevës, zhvillimet aktuale dhe prioritetet institucionale të komunës.

Ndërkaq, De Blasi e falënderoi Kastratin për mikpritjen dhe shprehu kënaqësinë për takimin, të cilin e cilësoi si miqësor dhe të karakterizuar nga mirëkuptimi i ndërsjellë.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Instagram