Friday, November 20, 2026
HomeLajmeKosovëDy të akuzuar dënohen me nga 18 vjet burgim për vrasje të...

Dy të akuzuar dënohen me nga 18 vjet burgim për vrasje të rëndë

Gjykata Themelore në Prishtinë, Departamenti Special njofton se ka vendosur në çështjen penale ndaj të akuzuarve I.A. dhe Rr.A., pasi në bashkëkryerje kanë kryer veprën penale Vrasje e rëndë.

I akuzuari I.A. është shpallur fajtor dhe është dënuar me burgim me dënim në kohëzgjatje prej 18 (tetëmbëdhjetë) vitesh, i cili dënim do të ekzekutohet pasi aktgjykimi të bëhet i formës së prerë. Me aktvendim të veçantë Gjykat të akuzuarit I.A., i ka vazhduar masën e paraburgimit deri në plotfuqishmërinë e këtij aktgjykimi, por jo më gjatë se dënimi i shqiptuar.

I akuzuari Rr.A. është shpallur fajtor dhe është dënuar me burgim me dënim në kohëzgjatje prej 18 (tetëmbëdhjetë) vitesh, i cili dënim do të ekzekutohet pasi aktgjykimi të bëhet i formës së prerë. Me aktvendim të veçantë Gjykata i ka caktuar masën e paraburgimit të akuzuarit Rr.A., deri në plotfuqishmërinë e këtij aktgjykimi, por jo më gjatë se dënimi i shqiptuar.

Të akuzuarve I.A. dhe Rr.A. në dënimin e shqiptuar do iu llogaritet edhe koha e kaluar në paraburgim.

Obligohen të akuzuarit që t’i paguajnë të gjitha shpenzimet e procedurës dhe atë, në emër të paushallit gjyqësor secili veç e veç të paguaj shumën prej 500 (pesëqind) euro, ndërsa në emër të Fondit për Mbrojtjen e Viktimave të Krimit, secili veç e veç të paguajnë shumën prej nga 100 € (njëqind) euro, të gjitha këto nga dita e plotfuqishmërisë së këtij aktgjykimi.

“Palët e dëmtuara, për realizimin e kërkesës pasurore juridike, udhëzohen në kontest të rregullt juridiko civil. Palët kanë të drejt ankese në Gjykatën e Apelit të Kosovës, përmes Gjykatës Themelore në Prishtinë”, njofton Gjykata Themelore Prishtinë.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Instagram