Në seancën e Kuvendit të Kosovës, kreu i AAK-së, Ramush Haradinaj, ka deklaruar se anulimi i projektit të termocentralit “Kosova e Re” përbën dëmin më të madh që i është shkaktuar Kosovës në periudhën pas luftës.
Sipas tij, anulimi i termocentralit me kapacitet prej 500 megavatësh nuk përbën vetëm humbje energjetike, por prek edhe sigurinë dhe pavarësinë politike të vendit.
“Anulimi i këtij projekti është goditje e madhe për Kosovën. Është dëmtuar jo vetëm sektori energjetik, por edhe pavarësia jonë në çdo aspekt”, ka deklaruar Haradinaj, duke akuzuar edhe kryeministrin Kurti për këtë.
Ai theksoi se përgjegjës për këtë, sipas tij, është Kurti dhe rrethi i tij, duke shtuar se Kosova është lënë pa një burim të rëndësishëm të prodhimit vendor të energjisë.
Haradinaj në fjalën e tij, ai akuzoi gjithashtu qeverinë se nuk ka ndërmarrë hapa për të zhvilluar kapacitete të reja energjetike dhe ngriti pretendime për ndikim të asaj në vendimmarrje.
Sipas tij, kjo rrjetë, në bashkëpunim me individë të afërt me pushtetin, ka ndikuar në krijimin e kompanive të dyshimta dhe në kontrollin e institucioneve kyçe të sektorit të energjisë.
