Presidenti turk, Recep Tayyip Erdogan, dhe Sekretari i Përgjithshëm i NATO-s, Mark Rutte, u takuan sot në Ankara .
Sipas një deklarate nga presidenca turke, ndër të tjera u diskutuan përgatitjet për Samitin e Liderëve të NATO-s që do të mbahet në Ankara , çështjet në axhendën e aleancës ushtarake, si dhe çështje rajonale dhe globale.
Presidenti turk deklaroi se “mjedisi i paqëndrueshëm në rajonin tonë ka treguar edhe një herë rëndësinë e bashkëpunimit dhe solidaritetit midis aleatëve të NATO-s”.
Në këtë kontekst, bazuar në njoftim, “Turqia po rrit kapacitetin e saj në industrinë e mbrojtjes, veçanërisht në sistemet e mbrojtjes ajrore, dhe synon të zhvillojë më tej bashkëpunimin me vendet aleate në këtë fushë”.
Erdogan i tha gjithashtu Rutte-s se “ruajtja e lidhjeve transatlantike është thelbësore” dhe se “ Turqia pret që pjesa evropiane e Aleancës të marrë më shumë përgjegjësi ”. “Përjashtimi i aleatëve evropianë që nuk janë anëtarë të Bashkimit Evropian nga nismat mbrojtëse të Bashkimit nuk do t’i shërbejë qëllimit ”, theksoi ai.
Në të njëjtën kohë, presidenti turk vuri në dukje se “Turqia është pozicionuar në anën e paqes dhe diplomacisë në procesin që filloi me sulmet ndaj Iranit”.
