Ministri i Jashtëm iranian, Abbas Araghchi, mbërriti të hënën në Shën Petersburg, ku pritet të takohet me Presidentin rus Vladimir Putin dhe Ministrin e Jashtëm Sergei Lavrov.Me mbërritjen e tij në Rusi, Araghchi tha se vizita ishte “një mundësi e mirë për t’u konsultuar me kolegët tanë rusë në lidhje me zhvillimet që lidhen me luftën”. Në një intervistë video të publikuar nga agjencia shtetërore iraniane e lajmeve IRNA, ai kujtoi se Irani dhe Rusia diskutojnë rregullisht çështje më të gjera rajonale dhe ndërkombëtare, si dhe tema nga marrëdhëniet dypalëshe.
Ai gjithashtu deklaroi në llogarinë e tij në Telegram se do të takohet me Ministrin e Jashtëm rus Sergej Lavrov.
Vizita në Rusi vjen pas udhëtimeve të Araghchi-t në Pakistan dhe Oman, në një kohë kur bisedimet e paqes midis Uashingtonit dhe Teheranit janë në ngërç.
Rusia dhe Irani kanë ruajtur marrëdhënie të ngushta partneriteti për vite me radhë dhe Moska ishte një aleat i rëndësishëm diplomatik i Teheranit gjatë luftës me Shtetet e Bashkuara të Amerikës. Për momentin, nuk janë publikuar detaje shtesë rreth axhendës së bisedimeve në Shën Petersburg.
