Miliarderja dhe filantropja indiane Sudha Reddy mbante veshur një gjerdan me vlerë më shumë se 15 milionë dollarë nga koleksioni i saj në Met Gala të mbajtur në Muzeun Metropolitan të Artit në Nju Jork.
Ajo u shfaq me një krijim nga stilisti indian Manish Malhotra. Fokusi i publikimit të saj në modë ishte ky gjerdan diamanti me një varëse “Mbretëresha e Merelanit” e përbërë nga 550 karat tanzaniti me origjinë nga kodrat Merelani në Tanzani.
Ajo mbante veshur gjithashtu një smerald kolumbian 40 karatësh me një aureolë diamanti në ar të verdhë 18 karatësh, si dhe një unazë diamanti 30 karatësh.Stilistja Mariel Haenn i tha revistës People se pamja e Sudha Reddy-t në Met Gala u frymëzua nga trashëgimia e pasur artistike dhe arkitekturore e Hyderabadit, duke ndërthurur traditat e lashta artizanale indiane dhe duke përqafuar konceptin e vërtetë të artit të kostumeve.
“Duke përdorur teknika që datojnë më shumë se 3,000 vjet më parë, ata kanë krijuar një veshje mahnitëse dhe shumëdimensionale që flet si për trashëgiminë kulturore ashtu edhe për luksin bashkëkohor. Pamja është një homazh mjeshtëror për shpirtin krijues të Indisë”, tha ajo.
Met Gala e këtij viti kishte temën “Arti i Kostumeve”, me një ekspozitë të kuruar nga Andrew Bolton. Reddy debutoi në këtë event në vitin 2021.
