Kryetari i Kuvendit të Maqedonisë së Veriut, Talat Xhaferi ka realizuar sot një takim me anëtarët e Komisionit të Punëve të Jashtme dhe Diasporës të Republikës së Kosovës, në përbërje të deputetëve: Haki Abazi, Yllza Hoti, Fitore Pacolli dhe Time Kadrija.
Kabineti i kryetarit të Kuvendit të Maqedonisë së Veriut, përmes një kumtese, ka theksuar se “kjo vizitë paraqet avancim të mëtejshëm të bashkëpunimit bilateral konstruktiv ndërmjet Kuvendit të Maqedonisë së Veriut dhe Kuvendit të Kosovës”.
Kryepalamentari Xhaferi ka përsëritur përkrahjen e fuqishme për liberalizimin e vizave për qytetarët e Kosovës, si dhe mbështetjen për arritjen e marrëveshjes mes Kosovës dhe Serbisë.
