Myzejene Selmani, anëtare e AKR-së, ka shprehur kritika të ashpra ndaj mënyrës së zgjedhjes së presidentit në Kosovë, duke theksuar se ky proces po mbahet peng nga pazaret politike në Kuvend. Ajo rikujton se në vitin 2007, AKR kërkonte që presidenti të zgjidhej drejtpërdrejt nga populli, një ide që atëherë u konsiderua absurde nga partitë politike. Më pas, në vitin 2010, u arrit një marrëveshje për të amandamentuar Kushtetutën në mënyrë që presidenti të zgjidhej nga qytetarët, por këto amandamente nuk u miratuan dhe mbetën në sirtar.
Pas shumë vitesh, situata nuk ka ndryshuar, dhe zgjedhja e presidentit mbetet një lojë pazari brenda Kuvendit, duke lënë qytetarët vetëm si spektatorë. Selmani përfundon me një mesazh kritik: “Poshtë ka rend, Kosova. Hajmedet…“
