Kjo ëmbëlsirë e thjeshtë e bërë me
kos, fruta dhe granola është ideale për ditët e nxehta të verës, por edhe për ato ditë më të ftohta dhe gri që kanë nevojë për pak ngjyrë. Kosi më i zakonshëm është i pasuruar me aromë vaniljeje, luleshtrydhe, boronica dhe granola krokante, dhe varet nga ju të vendosni nëse do ta servirni si ëmbëlsirë, meze të lehtë apo mëngjes.
Më e mira nga të gjitha? Duhen vetëm disa minuta për t’u përgatitur . E tëra çfarë duhet të bëni është të prisni që të ngurtësohet në frigorifer… Shijojeni vaktin tuaj!
Kos i ngrirë me fruta dhe granola – përbërësit:
- 480 g kos me yndyrë të plotë
- 1 lugë çaji aromë vaniljeje
- 75 g luleshtrydhe, të prera në copa
- 40 g boronica
- 30 g granola
Kos i ngrirë me fruta dhe granola – përgatitja:
- Mbështillni një tepsi pjekjeje me skaje të ngritura me letër pjekjeje.
- Në një tas, përzieni kosin dhe aromën e vaniljes.
- Vendosni luleshtrydhe dhe boronica të prera sipër kosit.
- Spërkatni gjithçka me granola.
- Vendoseni në frigorifer për rreth tre orë, ose derisa kosi të jetë ngurtësuar plotësisht.
- Pritini ose copëtoni kosin e ngrirë në 12 deri në 15 pjesë dhe shërbejeni.
- Ruajeni në frigorifer.
