Trafiku i mjeteve të rënda është shumë intensiv në pikat kufitare “Kapitan Andreevo” dhe “Lesovo” në dalje drejt Turqisë, njoftojnë nga Policia Kufitare. Në të gjitha pikat e tjera kufitare të Bullgarisë me Greqinë, Maqedoninë e Veriut, Serbinë dhe Rumaninë, kalimi zhvillohet normalisht.
Qarkullimi në autostradën “Struma” në drejtim të Sofjes është kufizuar në një korsi në kilometrat 160 dhe 166 për shkak të riparimit të fugave. Në autostradën “Hemus”, për shkak të punimeve të planifikuara, trafiku vijon të zhvillohet në të dy drejtimet në njërën anë të rrugës pranë tunelit “Topli Doll”, afër Shumenit, si dhe midis Ignatievos dhe nyjës rrugore “Aeroporti”.
Më 15 tetor, në nyjën rrugore “Daskallovo”, nga ora 16:00 deri në 20:30, është vendosur organizim i përkohshëm i trafikut në drejtim të Pernikut dhe Kjustendilit, njoftoi Agjencia e Infrastrukturës Rrugore.
