Abdixhiku ka bërë të ditur se u prit në Pallatin Presidencial Elyzee nga këshilltarja e presidentit Macron, derisa takime pati edhe në Ministrinë e Punëve të Jashtme dhe në Senat.
Abdixhiku në këto takime ritheksoi qëndrimet e LDK-së për procesin e dialogut, për të cilin tha se Kosova duhet ta trajtojë me prioritet si mjet drejt arritjes së një marrëveshjeje përfundimtare dhe ligjërisht të obligueshme, me njohjen në qendër të saj.
Abduxhiku ka thënë se implementimi i marrëveshjeve paraprake, komform rendit kushtetues të Republikës së Kosovës nuk kanë alternativë. Shtrova po ashtu, domosdoshmërinë e hapjes së rrugës së re, drejt integrimit euroatlantik, me theks të veçantë, anëtarësimin sa më të shpejtë të Kosovës në NATO; dhe mbështetjen që Franca mund ta jep në këtë drejtim.
“Gjatë ditës, në takime të ndara u prita dhe në Ministri të Punëve të Jashtme dhe në Senatin francez. Aty takova zëvendësdrejtorin për Evropën Kontinentale, Sylvain Guiaugue, si dhe Senatoren Sénatrice Laure Darcos, kryetare e Grupit të Miqësisë Francë – Kosovë në Senat”, ka shkruar Abdixhiku në rrjetin social Facebook.
