Pamjet, të cilat duket se janë nga kamerat e vëzhgimit brenda ndërtesës, tregojnë Audrey Hale duke qëlluar në derën e përparme dhe më pas duke u ngjitur nëpër xhamin e thyer për të hyrë.
Dje tre fëmijë dhe tre të rritur u vranë nga të shtënat me armë zjarri në një shkollë fillore private të krishterë në Nashville, në jug të SHBA. Sulmi u krye nga një grua 28-vjeçare e identifikuar si Audrey Elizabeth Hall , një ish-nxënëse e shkollës e cila u vra nga policia në vendngjarje. Fëmijët e vrarë ishin nga tetë deri në nëntë vjeç.
John Drake , shefi i policisë në Nashville, iu drejtua sulmuesit me një përemër femëror, por sqaroi kur u pyet nga gazetarët se Audrey Elizabeth Hall e deklaroi veten një person transgjinor. Është ende e paqartë nëse sulmuesi është identifikuar zyrtarisht si një grua apo një burrë.
Sulmuesi kishte një kapel të kuqe, pantallona kamuflazhi dhe diçka që duket si një jelek mbrojtës. Hale mbante një pushkë sulmi në njërën dorë, ndërsa një armë e dytë, e ngjashme i varej nga ija e majtë. Pasi ka hyrë në shkollë, në video shihet teksa endet nëpër korridoret e shkreta të shkollës, në një moment duke kaluar një dhomë të etiketuar “Ministra”.
Oficerët zbuluan manifestin dhe hartat e ndërtesës që përmbante planin e sulmit. Ata gjithashtu raportuan se sulmuesi ka hyrë nga një derë anësore dhe ka qëlluar në katin e dytë deri në orën 10:27, kur ajo u vra.
As officers responded to the Covenant campus, Hale fired on arriving police vehicles from a 2nd story window. pic.twitter.com/7JiLdCHhF1
— Metro Nashville PD (@MNPDNashville) March 28, 2023
