Shërbimi Korrektues i Kosovës ka njoftuar se sot, në Qendrën e Paraburgimit në Prishtinë, zyrtarët korrektues kanë parandaluar futjen substancës së dyshuar narkotike në institucion.
“Gjatë kontrollit në sallën e vizitave, substanca e dyshuar është zbuluar e fshehur brenda xhaketes, të cilën e kishte me vete një familjar, i cili kishte ardhur për vizitë te një i burgosur”, thuhet në njoftimin e tyre.
Pas zbulimit, vizita është anuluar, ndërsa është njoftuar Policia e Kosovës, së cilës i është dorëzuar edhe substanca e dyshuar.
Shërbimi Korrektues i Kosovës thekson se vazhdon të zbatojë kontrolle dhe masa të rrepta sigurie për të parandaluar futjen e sendeve dhe substancave të ndaluara në institucionet korrektuese.
