Ne Gjykata e dytë themelore në Beograd eshte paguar një gjobë në emër të kryeredaktorit të “Informer” Dragan J. Vuçiçeviq dhe kështu janë plotësuar kushtet që ai të lirohej nga burgu ku kishte shkuar së fundmi.
Këtë e ka bërë të ditur “Novosti” i Beogradit. Nova.rs ka tentuar ta verifikojë këtë informacion në Gjykatën e Dytë Themelore, por ende nuk kanë marrë konfirmim. Për këtë temë nuk ka dashur të komentojë as avokati i Dragan J. Vuçiqeviqit, Boris Bogdanoviq. “Nuk kam asnjë koment”, ka thënë Bogdanoviq për Danas.
Mediat dje kanë raportuar se Vuçiçeviq ka nisur një grevë urie dhe ka paralajmëruar se do të vazhdojë deri në plotësimin e kërkesave të tij – të rishikohet procedura në të cilën ai është dënuar dhe të dekriminalizohet fyerja. Këtë e ka bërë të ditur kur është paraqitur për të vuajtur dënimin me burg.
Dragan J. Vuçiqeviq u dënua ligjërisht me 200 mijë dinarë gjobë për fyerjen e gazetarit dhe ish-drejtorit të televizionit N1, Jugosllav Ćosić. Mirëpo, ai vendosi që në vend të gjobës, të vuante dënimin me burg, për të nënvizuar, siç tha, “nevoja për dekriminalizimin e lirisë së fjalës”.
