Popullsia e Italisë ka ndaluar së rëni pas 12 vitesh, për shkak të rritjes së imigracionit. Ndërkohë, jetëgjatësia vazhdon të rritet.Sipas statistikave zyrtare, numri i banorëve që nga 1 janari arriti në 58.94 milion banorë, që është pothuajse i pandryshuar krahasuar me vitin e kaluar.
“Italia mbetet një vend ku një bilanc jashtëzakonisht pozitiv i migracionit mund të kompensojë kryesisht rritjen negative natyrore dhe ku popullsia vazhdon të plaket”, deklaroi zyra italiane e statistikave.
Ata vunë në dukje se ndërprerja e fluksit të vazhdueshëm të emigrantëve dhe zvogëlimi i popullsisë do të rezultojë në presion afatgjatë mbi tregun e punës dhe financat publike.
Rritja e numrit të emigrantëve ndodhi nën qeverinë e krahut të djathtë të kryeministres Giorgia Meloni, e cila ka një qëndrim të ashpër ndaj emigrantëve të paligjshëm. Megjithatë, gjatë mandatit të saj si kryeministre, numri i vizave të punës për ata që vinin nga jashtë Bashkimit Evropian u rrit.Numri i lindjeve vitin e kaluar ra në 355 mijë, që është 3.9 për qind më pak se në vitin 2024. Ky numër lindjesh është më i ulëti që nga bashkimi i Italisë në vitin 1861.
Numri i të vdekurve mbeti i pandryshuar – 652,200, gjë që rezultoi në një rritje natyrore negative prej gati 300 mijë personash. Shkalla e fertilitetit ka rënë në 1.14 fëmijë për grua, që është ndër normat më të ulëta të fertilitetit në Evropë.
Shumë më tepër njerëz u zhvendosën në Itali vitin e kaluar sesa u larguan. Konkretisht, pati 440 mijë emigrantë, ndërsa 144 mijë njerëz u larguan nga vendi, që është më e ulëta në 10 vitet e fundit.
Numri i shtetasve të huaj që banojnë në Itali u rrit me 188 mijë, duke arritur në një total prej 5.56 milionësh.
Jetëgjatësia është rritur më tej pas pandemisë së koronavirusit, duke arritur në 81.7 vjet për burrat dhe 85.7 për gratë, duke e bërë Italinë një nga vendet me jetëgjatësinë më të gjatë në BE, raporton Reuters.
