Kreu i njërit prej karteleve më të fuqishme të drogës në Meksikë, Nemesio Ruben Oseguera Cervantes, i njohur me nofkën El Mencho, u vra sot në një përballje me forcat ushtarake në Tapalpa, njoftoi Ministria e Mbrojtjes e Meksikës.Lideri i “Kartelit të Gjeneratës së Re të Jaliscos” (CJNG) u plagos në një përpjekje arrestimi dhe vdiq gjatë fluturimit për në Mexico City, raporton AP.
Sipas Ministrisë së Mbrojtjes, forcat shtetërore u qëlluan gjatë operacionit dhe katër persona u vranë në vend. Tre persona, përfshirë El Mench, u plagosën dhe më vonë vdiqën.Sipas Ministrisë së Mbrojtjes, forcat shtetërore u qëlluan gjatë operacionit dhe katër persona u vranë në vend. Tre persona, përfshirë El Mench, u plagosën dhe më vonë vdiqën.Dy persona u arrestuan dhe u sekuestruan automjete të blinduara, raketahedhës dhe lloje të tjera armësh. Tre anëtarë të forcave ushtarake u plagosën dhe morën kujdes mjekësor.
Operacioni erdhi pasi anëtarët e CJNG bllokuan rrugët në Jalisco dhe shtete të tjera me automjete të djegura për disa orë.
Osegera është një ish-oficer policie dhe ishte një udhëheqës në hije i CJNG-së.
Administrata amerikane ofroi 15 milionë dollarë për informacionin që çoi në arrestimin e tij, ndërsa u kërkoi autoriteteve meksikane të shtojnë masat kundër trafikut të drogës.
Në këtë drejtim, Uashingtoni kërcënoi të ndërhynte drejtpërdrejt në Meksikë.
