Drita e ka marrë kryesimin e tabelës në Superligën e Kosovës, pasi ka mposhtur me rezultat 3:0 ekipin e Prishtina e Re, në ndeshjen e xhiros së njëzet e tretë.
Drita ka krijuar epërsi prej dy golash që në pjesën e parë të takimit, i cili është zhvilluar në terrenin me bar sintetik në Gjilan.
Golin e parë për ekipin gjilanas e ka realizuar Albert Dabiqaj në minutën e tridhjetë e katërt. Epërsinë e ka dyfishuar Liridon Balaj, që ka shënuar në minutën e parë shtesë të pjesës së parë.
Në pjesën e dytë nuk ka pasur gola deri në fundin e ndeshjes. Në kohën shtesë, Artur ka realizuar edhe golin e tretë për rezultatin përfundimtar 3:0.
Pas kësaj fitore, Drita vazhdon garën për titullin e kampionit, ndërsa Prishtina e Re mbetet në vendin e parafundit dhe po lufton për mbijetesë në elitën e futbollit kosovar.
Ndërkohë, xhiroja vazhdon të dielën me një tjetërm Drenica – Dukagjini, që zhvillohet në stadiumin “Bajram Aliu” në Skënderaj.
Të hënën në program janë edhe tri përballje tjera: Malisheva – Prishtina, Ferizaj – Gjilani, si dhe Llapi – Ballkani.
