Rusia të premten e shpalli profesoren e universitetit amerikan Nina Hrushovën , stërmbesën e ish-liderit sovjetik, një “agjente të huaj” – një term me konotacione spiunazhi që Moska u jep individëve që beson se janë të angazhuar në aktivitete anti-ruse.
Nina Khrushcheva (62) është profesoreshë në The New School në New York dhe ka vazhduar udhëtimet e saj kërkimore në Rusi që nga fillimi i pushtimit të Ukrainës në vitin 2022.
Stërgjyshi i saj, Nikita Hrushovi, udhëhoqi Bashkimin Sovjetik nga viti 1953 deri në vitin 1964, kur u rrëzua nga anëtarët e Byrosë Politike në pushtet.
Hrushovja tha se nuk ishte e befasuar që Rusia e shtoi atë në listën e “agjentëve të huaj”, e cila deri të premten përmbante 1,164 emra, përfshirë politikanë, gazetarë, artistë, organizata joqeveritare dhe mediatike.”Do të kishte qenë neglizhencë nga ana e tyre nëse nuk do ta kishin bërë këtë në një moment të caktuar”, tha ajo, duke shtuar se ishte shumë herët për të thënë se cili mund të jetë ndikimi praktik.
Popullariteti i Stalinit po kthehet
“Sigurisht që ka ironi historike, por asgjë tronditëse. Kur Stalini është në krye, Hrushovi është në rënie”, tha ajo.Ajo aludoi në ringjalljen e reputacionit të diktatorit sovjetik Stalin në Rusi, mbretërimin e terrorit të të cilit Hrushovi e denoncoi në fjalimin e tij të famshëm në kongresin e Partisë Komuniste në vitin 1956.
Rusia shënoi 70-vjetorin e fjalimit muajin e kaluar, duke rindezur debatin rreth trashëgimisë së të dy burrave. Hrushovi ishte udhëheqësi sovjetik që ia dorëzoi Krimenë Ukrainës në vitin 1954, të cilën Rusia e rimori në vitin 2014 kur forcat e saj pushtuan gadishullin dhe Presidenti Vladimir Putin e shpalli atë të aneksuar.
Hrushovi njihet gjithashtu për përballjen e tij me Presidentin e SHBA-së John F. Kennedy gjatë Krizës së Raketave Kubane në vitin 1962, kur bota ishte në prag të luftës bërthamore.Agjencia ruse e lajmeve TASS raportoi se Ministria e Drejtësisë njoftoi se Nina Hrushovi kishte përhapur informacione të rreme në lidhje me politikat ruse dhe kundërshtoi atë që Moska e quan një “operacion ushtarak special” në Ukrainë. Njerëzit që veprojnë si agjentë të huaj i nënshtrohen kërkesave të shumta burokratike dhe kufizimeve në të ardhurat e tyre në Rusi. Ata detyrohen t’i etiketojnë postimet e tyre në mediat sociale ose çdo gjë që postojnë si agjentë të huaj.
Disa kritikë të Kremlinit e mbajnë këtë etiketë si një medalje nderi, ndërsa të tjerë thonë se është një barrë që ua pengon punën, sepse rusët e tjerë i shmangin ata për shkak të kësaj.
