Në një vizitë në Mramorac, një vend pranë Smederevska Palanka ku të dielën po zhvillohen zgjedhjet lokale, Aleksandar Vuçiç njoftoi se forcat e armatosura serbe do të prezantojnë raketat balistike supersonike CM-400 ‘rreth Vidovdanit’, një festë kishtare serbe dhe një datë e rëndësishme historike që bie më 28 qershor.“U thashë njerëzve tanë t’i luanin videot, kështu që mendoj se i kanë luajtur videot që t’i shihnin. Tani kemi shumë ushtrime, përfshirë ato nga NATO dhe të tjerë, por kur të mbarojnë, besoj se do të jenë rreth Vidovdanit, kështu që do t’i shfaqim”, tha Vuçiç.
Siç shpjegoi ai, raketat balistike me një rreze veprimi prej 400 km dhe me peshë pothuajse një ton do të mbahen nga avionët MIG-29, raporton Slobodna Dalmacija .
“Po flasim për raketa ajër-tokë. Këto janë raketa me fuqi shkatërruese. Ne kemi një numër të konsiderueshëm të këtyre raketave dhe do të kemi më shumë”, tha Vuçiç, duke kujtuar se këto raketa u përdorën në konfliktin midis Pakistanit dhe Indisë, kur shkatërruan sistemin e radarëve S-400.
“Është një mjet kinez që rezultoi i jashtëzakonshëm në konfliktin midis Pakistanit dhe Indisë. Ata arritën të shkatërrojnë radarin francez dhe sistemin e radarëve S-400. Ne kemi shumë që nuk i keni parë dhe do të vazhdojmë t’i blejmë”, tha Vuçiç gjatë një vizite në Mramorac.Raketat kineze si kundërpeshë në mosmarrëveshjen me Kroacinë
Pasi Ushtria Serbe shfaqi raketat CM-400 në forumin ushtarak online MyCity Military, kryeministri kroat Andrej Plenković njoftoi se do ta informonte Sekretarin e Përgjithshëm të NATO-s Mark Rutte për këtë , sepse askush në Evropë nuk ka raketa të tilla.
Vuçiç u përgjigj se do ta informonte sepse ishte “krenar për atë që kanë fituar duart serbe” dhe shtoi se ata po e bënin këtë sepse po “përgatiteshin për një sulm” nga Kroacia, Shqipëria dhe Kosova, të cilat ndërkohë kishin formuar një aleancë për bashkëpunim ushtarako-teknik.Plenković, nga ana tjetër, u përgjigj duke thënë se kjo ishte një ‘tezë e dështuar’.
Portali i specializuar amerikan Military Watch njoftoi të martën se ushtria serbe u bë kështu e para në Evropë që pajisi me raketa balistike hipersonike dhe ushtria e dytë jo-kineze në botë me raketa CM-400.
