Komanda qendrore ushtarake e Iranit ka hedhur poshtë kërcënimin e Donald Trump për të shkatërruar infrastrukturën jetësore të vendit nëse nuk pranon një marrëveshje paqeje brenda 48 orëve.
Gjenerali Ali Abdullahi Aliabadi, në një deklaratë nga Komanda Qendrore Khatam al-Anbiya, e përshkroi kërcënimin e presidentit amerikan si “një veprim të dëshpëruar, nervoz, të pabalancuar dhe të pamend”.
Trump shkroi në Truth Social: “A e mbani mend kur i dhashë Iranit dhjetë ditë për të NËNSHKRUAR NJË MARRËVESHJE ose për të HAPUR NGUSHTICËN E HORMUSIT?” shkroi ai. “Koha po mbaron – brenda 48 orësh do të shpërthejë ferri mbi ta.”
Në përgjigje, Aliabadi komentoi: “Kuptimi i thjeshtë i këtij mesazhi është se portat e ferrit do të hapen për ju”.
