Kreu i inteligjencës së Korpusit të Gardës Revolucionare Islamike (IRGC), Majid Khademi, është vrarë, tha Ministri izraelit i Mbrojtjes, Israel Katz.
“Udhëheqësit e Iranit jetojnë me ndjenjën se janë shënjestra. Ne do të vazhdojmë t’i ndjekim një nga një”, theksoi Ministri Izraelit i Mbrojtjes, sipas Associated Press.
Garda Revolucionare e Iranit konfirmoi vdekjen e Khademit. Deklarata e Gardës Revolucionare të Iranit, e cituar nga agjencia iraniane e lajmeve Tasnim, deklaroi se ai u vra në një “sulm terrorist” herët në mëngjesin e 6 prillit.
Khademi mori drejtimin e shërbimit të inteligjencës së IRGC-së në qershor 2025, pasi paraardhësi i tij, Mohammad Kazemi, dhe disa zyrtarë të tjerë të lartë ushtarakë u vranë në një sulm izraelit.
Gjatë luftës me Iranin, të cilën SHBA-të dhe Izraeli e nisën më 28 shkurt, u vranë disa udhëheqës të lartë të Republikës Islamike, përfshirë Udhëheqësin Suprem Ali Khamenei dhe Sekretarin e Këshillit Suprem të Sigurisë Kombëtare Ali Larijani.
