Ministria e Industrisë, Ndërmarrësisë, Tregtisë dhe Inovacionit (MINTI) ka njoftuar se çmimet maksimale të lejuara për derivatet e naftës do të mbesin të njëjta edhe për ditën 07.04.2026, sikurse në ditën paraprake.
Sipas vendimit të datës 05.04.2026 për caktimin e çmimit maksimal, për ditën 07.04.2026 çmimet maksimale të lejuara janë:
Dizel: 1.88 euro për litër
Benzinë: 1.46 euro për litër
Gas: 0.74 euro për litër
“MINTI u ka bërë thirrje të gjithë operatorëve ekonomikë që ta zbatojnë me përpikëri vendimin e marrë nga ministrja Rozeta Kusari-Lila, me qëllim të garantimit të një tregu funksional dhe të qëndrueshëm, në shërbim të interesit të konsumatorëve”, thuhet në njoftim.
Ministria ka paralajmëruar se çdo shkelje e këtij vendimi do të trajtohet në përputhje me legjislacionin në fuqi.
