Ushtria izraelite i ka paralajmëruar qytetarët iranianë të mos përdorin trenat, duke thënë se po “vënë jetën e tyre në rrezik”.
Kanali në gjuhën persiane i ushtrisë izraelite në rrjetin X lëshoi atë që e quajti një “paralajmërim urgjent për përdoruesit dhe pasagjerët në trenat në Iran”.
“Të dashur qytetarë, për sigurinë tuaj, ju kërkojmë që nga tani e deri në orën 9 të mbrëmjes sipas kohës iraniane, të shmangni përdorimin e trenave dhe udhëtimin me to në të gjithë Iranin. Prania juaj në trena dhe pranë shinave hekurudhore rrezikon jetën tuaj”, tha ushtria.
Dje, Ministri i Mbrojtjes, Israel Katz, tha se ushtria izraelite ishte urdhëruar të “vazhdonte të sulmonte infrastrukturën kombëtare të regjimit terrorist iranian me forcë të plotë”.
