Lidhja Demokratike e Kosovës (LDK) përmes një komunikate për media ka mohuar çdo marrëveshje politike me Partia Demokratike të Kosovës (PDK) apo ndonjë subjekt tjetër për bashkëqeverisje në Prishtina
Sipas LDK-së, deri më tani nuk ka pasur asnjë proces ndërpartiak apo negociata që do të çonin drejt një marrëveshjeje të tillë. Partia thekson se strukturat e saj vendimmarrëse, si në nivel lokal ashtu edhe qendror, nuk kanë qenë të përfshira në asnjë diskutim për bashkëqeverisje.
“Çdo marrëveshje tjetër nuk përfaqëson qëndrimin zyrtar të Lidhjes Demokratike të Kosovës. Si e tillë, ajo nuk krijon obligime politike për LDK-në dhe nuk mund të konsiderohet si vullnet i organizuar i saj. Palët dhe subjektet e tjera politike e dinë shumë mirë se si ndërtohen marrëveshjet ndërpartiake me LDK-në; përmes strukturave zyrtare, transparencës dhe vendimmarrjes institucionale
Sa i përket çështjeve lokale, LDK ka bërë të ditur se do të merret me to vetëm pas zgjedhjeve nacionale, duke shtuar se aktualisht fokusi i plotë i partisë dhe anëtarësisë së saj është në procesin e ringritjes së brendshme.
