Pentagoni publikoi të premten serinë e parë të dokumenteve të klasifikuara dekada të vjetra mbi objektet fluturuese të paidentifikuara, ose, siç quhen zyrtarisht tani, fenomenet anomale të paidentifikuara (UAP).
“Amerikanët tani mund të hyjnë menjëherë në dokumentet e deklasifikuara të UAP,” tha Pentagoni në një deklaratë. “Videot, fotot dhe dokumentet burimore më të fundit të UAP nga e gjithë qeveria amerikane, të gjitha në një vend, pa asnjë autorizim sigurie.”
Në shkurt, Donald Trump urdhëroi agjencitë amerikane të fillonin publikimin e dosjeve qeveritare mbi UFO-t, fenomenet ajrore të paidentifikuara dhe jetën e mundshme jashtëtokësore, duke përmendur interesin e fortë publik për këtë çështje.
“Populli amerikan ka kërkuar prej kohësh më shumë transparencë dhe Presidenti Trump tani po e përmbush këtë qëllim”, thuhet në deklaratë.Trump akuzon Obamën
Trump urdhëroi shqyrtimin pasi akuzoi ish-Presidentin Barack Obama për ndarje të paligjshme të informacionit të klasifikuar, kur Obama tha në një intervistë në podcast se alienët ishin “të vërtetë”.
Obama më vonë sqaroi se nuk kishte parë asnjë provë të kontaktit me alienët gjatë presidencës së tij, megjithëse tha se probabiliteti statistikor i jetës diku tjetër në univers ishte i lartë. Trump, nga ana e tij, tha se gjithashtu nuk kishte parë asnjë provë të alienëve dhe ende nuk ishte i sigurt se ata ekzistonin.Në vitet e fundit, Pentagoni ka hetuar raportet për UFO-t, dhe udhëheqës të lartë ushtarakë deklaruan në vitin 2022 se nuk kishin gjetur prova që sugjerojnë se alienët kishin vizituar Tokën ose ishin rrëzuar këtu.
Programi i publikimit quhet PURSUE (Sistemi i Zbulimit dhe Raportimit Presidencial për Takimet me UAP). Ndër materialet e para të publikuara janë video të fenomeneve të paidentifikuara të regjistruara në vitin 2024.
Drejtori i FBI-së, Kash Patel, e quajti njoftimin një “hap historik”, ndërsa administratori i NASA-s, Jared Isaacman , tha se agjencia vazhdon kërkimet shkencore mbi fenomenet e pashpjegueshme, raporton NBC .
Mund t’i shikoni të gjitha dokumentet e publikuara KËTU .
