Baleti Kombëtar i Kosovës ka përmbyllur me sukses turneun në Amerikën Qendrore dhe Amerikën Latine, duke prezantuar shfaqjen “Carmina Burana” me koreografi nga Toni Candeloro në Kolumbi.
Shfaqjet u mbajtën në Medellín, Cali dhe Bogotá, në disa nga skenat më të rëndësishme kulturore të vendit, ku trupa kosovare u mirëprit me interesim dhe duartrokitje nga publiku vendas.
Sipas njoftimit të Baletit Kombëtar të Kosovës, gjatë turneut, balerinët e Kosovës realizuan gjithsej 6 shfaqje në El Salvador dhe Kolumbi, duke arritur një audiencë prej rreth 5,500 spektatorësh dhe duke promovuar artin dhe kulturën e Kosovës në skenën ndërkombëtare.
