Policia e Kosovës po zhvillon një operacion kundër krimit të organizuar në disa lokacione.
Sipas njoftimit të Policisë, operacioni lidhet me dyshimet për trafikim ndërkombëtar të substancave narkotike, në lidhje me veprat penale: pjesëmarrje ose organizim i grupit kriminal, blerje, posedim, shpërndarje dhe shitje e paautorizuar e narkotikëve, si dhe pastrim i parave.
Në këtë operacion po marrin pjesë edhe përfaqësues të Europolit, autoritete nga Belgjika, Franca dhe Holanda, si dhe Prokuroria Speciale dhe Policia e Kosovës.
