Një person ka shtënë me armë zjarri në drejtim të një autobusi në fshatin Pagarushë të Malishevës.
Policia e Kosovës ka konfirmuar që rasti ka ndodhur rreth orës 12:10, ndërkaq njësitë përkatëse policore kanë reaguar menjëherë duke dalë në vendin e ngjarjes.
“Si rezultat personi i dyshuar është arrestuar dhe, në koordinim me prokurorin e shtetit, është ndaluar për 48 orë, si dhe është sekuestruar një armë e llojit AK-47. Nga ky incident nuk ka persona të lënduar, ndërsa rasti është iniciuar si “Vrasje e rëndë në tentativë” dhe aktualisht është në proces të hetimit”, konfirmon PK.
