Rrugëtimi i Kosovës drejt lirisë u shfaq nëpërmjet ekspozitës “KFOR and Kosovo +25”, e hapur sot në Bibliotekën Kombëtare të Kosovës.
Ekspozita u hap në nder të 27-vjetorit të çlirimit, teksa nëpërmjet fotografisë solli kujtesën e viteve të para gjatë dhe pas luftës.
“Fotografitë e ekspozuara dokumentojnë procesin e rindërtimit të vendit dhe transformimet shoqërore e politike që hodhën themelet e Republikës së Kosovës, duke dëshmuar rëndësinë e mbështetjes së aleatëve tanë dhe rolin e KFOR-it në këtë periudhë historike”, njofton BKK.
Në hapjen e ekspozitës, ndër personalitete të shumta, morën pjesë edhe zëvendësministrja e Kulturës, Nora Arapi Krasniqi, dhe sekretari i Ministrisë së Kulturës, Bislim Bislimi.
