Agjencia e Statistikave të Kosovës (ASK) ka publikuar Statistikat Afatshkurtra të Shërbimeve për muajin maj 2026, sipas të cilave numri i të punësuarve në sektorin e shërbimeve ka shënuar rritje prej 4.42 për qind krahasuar me të njëjtin muaj të vitit 2025. Sipas ASK-së, kjo rritje pasqyron vazhdimin e trendit pozitiv të punësimit në sektorin e shërbimeve.
Në muajin maj të vitit 2026, Indeksi i numrit të të punësuarve në sektoret e shërbimeve kishte rritje për 4,42 %, krahasuar me muajin e njëjtë të vitit paraprak (Maj 2025).
Sipas aktivitetit ekonomik kishte rritje te: Bar-Restorantet për 5,84 %; Veprimtaritë profesionale, shkencore dhe teknike për 5,65 %; Veprimtaritë botuese, prodhimin audio-vizual, transmetimin, telekomunikimin, programimin kompjuterik dhe shërbimet e informacionit për 4,63 %; Transporti dhe Magazinimi për 2,86 %; Veprimtaria administrative dhe mbështetëse për 2,80 %; dhe Hotelet për 2,38 %.
Në muajin maj të vitit 2026, Indeksi i fondit të pagave dhe mëditjeve në sektoret e shërbimeve kishte rritje për 16,43 %, krahasuar me muajin e njëjtë të vitit paraprak (Maj 2025).
ASK njofton se sipas aktivitetit ekonomik kishte rritje te: Bar-Restorantet për 22,49 %; Veprimtaritë profesionale, shkencore dhe teknike për 16,42 %; Veprimtaritë administrative dhe mbështetëse për 16,29 %; Hotelet për 15,21 %; Veprimtaritë botuese, prodhimin audio-vizual, transmetimin, telekomunikimin, programimin kompjuterik dhe shërbimet e informacionit për 14,80 %; si dhe Transporti dhe Magazinimi për 13,30 %;
