Gjendet municion që i takon forcave serbe në vendin ku po kryhen gërmimet për mbetjet mortore në fshatin Kalludër e Vogël, në komunën e Zubin Potokut.
Këtë e kanë bërë të ditur burime brenda organeve të sigurisë për RTK-në.
Tani e disa ditë në këtë fshat po kryhen gërmime nën dyshimin për varrezë masive. Aty janë gjetur mbetje mortore që dyshohet se i përkasin kohës së luftës.
Në këtë vend dyshohet të jenë varrosur trupat e 23 civilëve shqiptarë të vrarë nga forcat serbe.
