Nëse ju pëlqen kombinimi i çokollatës dhe gjalpit të kikirikut, kjo recetë për topat e energjisë do t’ju kënaqë. Ato kanë shije karamelesh, por përmbajnë lëndë ushqyese që janë të mira për trupin.
Ato përgatiten me një grusht përbërësish si gjalpi i kikirikut, çokollata, bollguri dhe qumështi i kondensuar i ëmbëlsuar. Mund të shtoni edhe disa arra të grira nëse dëshironi.
Nga kjo përzierje mund të merrni 10 deri në 15 toptha, të cilët kanë gjithsej rreth 80 gram proteina.
Mund t’i servirni për mëngjes, si meze të lehtë, ëmbëlsirë ose kur keni nevojë për pak energji shtesë para palestrës. Vendosini në një enë qelqi dhe mbajini në frigorifer deri në një javë.
Toptha proteinash me çokollatë dhe kikirikë – përbërësit:
- 250 g gjalpë kikiriku
- 200 g qumësht i kondensuar i ëmbëlsuar
- 100 g bollgur
- 100 g çokollatë e zezë
- 50 g arra të grira sipas dëshirës tuaj
Toptha proteinash me çokollatë dhe kikirikë – përgatitja:
- Vendosni gjalpin e kikirikut, qumështin e kondensuar të ëmbëlsuar dhe çokollatën në një tenxhere. Ngroheni në zjarr mesatar-të ulët derisa çokollata të shkrihet dhe përbërësit të kombinohen. Hiqeni nga zjarri.
- Shtoni bollgurin e plotë ose të bluar dhe përzieni. Shtoni arra të grira nëse dëshironi.
- Formoni përzierjen në 10 deri në 15 topa. Shërbejeni menjëherë ose vendosini në një enë të mbyllur mirë dhe futini në frigorifer. Shijojeni!
