Statujat do të ekspozohen në mesin e korrikut në rrugët e qytetit të lindjes së Mozartit, përfshirë edhe Parkun e famshëm Mirabell, për të shënuar 270-vjetorin e lindjes së kompozitorit të famshëm.
Ekspozita e artistit gjerman Ottmar Hoerl , me 320 statuja të praruara të Mozartit në rrugët e Salzburgut, u mbyll më herët se sa ishte planifikuar për shkak të një grabitjeje masive në të cilën u vodhën 210 figurina nga Parku Mirabell, njoftoi të mërkurën Fondacioni Ndërkombëtar i Mozartit.”Gjëja më e keqe që mund t’i ndodhë një artisti është kur veprat e tij zhduken”, i tha Hoerl agjencisë dpa.
Statujat u ekspozuan në mesin e korrikut në rrugët e qytetit të lindjes së Mozartit, përfshirë edhe në Parkun e famshëm Mirabell, me rastin e 270-vjetorit të lindjes së kompozitorit të famshëm.
Hoerl beson se skulpturat 50 centimetra të larta nuk janë vjedhur nga turistët. “Kjo është një vjedhje e organizuar”, tha ai.
Pavarësisht numrit të madh të sendeve të humbura, dëmi nuk vlen miliona. Hoerl tha se pas ekspozitës kishte ndërmend t’i shiste statujat për 90 euro secila, që do të thotë se dëmi është rreth 20,000 euro.
Meqenëse prodhuesi është me pushime, statujat nuk mund të zëvendësohen me të reja. Megjithatë, ato që kanë mbetur mund të shihen deri në fund të gushtit në muzeun Mozarteum të qytetit dhe në vendlindjen e kompozitorit.
