Ministri në detyrë i Financave, Hekuran Murati, ka reaguar lidhur me pjesëmarrjen e deputetëve të opozitës në seancën e Kuvendit ku pritet të zhvillohet procesi për zgjedhjen e Presidentit të Kosovës.
Murati ka ngritur dilema nëse deputetët opozitarë do të jenë të pranishëm në sallë gjatë momentit të votimit, duke e konsideruar këtë si një nga çështjet kryesore që mund të ndikojë në zhvillimin e procesit.
Përmes një postimi në Facebook, ai ka pyetur publikisht nëse opozita do të qëndrojë në sallë kur të hidhet në votim kandidatura për President.
“A qëndrojnë deputetët e opozitës në sallë kur të votohet për President? Kjo është çështja”, ka shkruar Murati.
Deklarata e tij vjen në një kohë kur në Kuvend po zhvillohet procesi politik për zgjedhjen e kreut të shtetit, ndërsa prania dhe pjesëmarrja e deputetëve në votim pritet të jenë vendimtare për ecurinë e procedurës.
