Policia në Singapor po heton një sulm ndaj një burri 73-vjeçar, i cili dyshohet se u hodh në dysheme nga një burrë tjetër, pasi ai i kishte përkëdhelur në kokë një vajze në një qendër tregtare.
Videoja e kamerës së mbikëqyrjes e incidentit, që ndodhi të shtunën, u përhap në rrjetet sociale dhe shkaktoi reagime të shumta.
Policia njoftoi të dielën në mbrëmje se kishte identifikuar një burrë 40-vjeçar të lidhur me rastin dhe i bëri thirrje publikut të mos spekulojë rreth rrethanave ndërsa hetimi është në vazhdim.
Pamjet u përhapën në rrjetet sociale
Videoja tregon një burrë 73-vjeçar që kalon pranë tavolinës dhe e përkëdhel vajzën në kokë.
Një grua që besohet të jetë nëna e vajzës e ndaloi menjëherë, dhe më pas atij iu afrua një burrë që besohet të jetë babai i vajzës.
Pas asaj që dukej të ishte një debat i ashpër, i riu e kapi 73-vjeçarin për krahu dhe e hodhi përtokë.
Videoja shkaktoi reagime të gjera në Singapor. Disa njerëz besonin se burri nuk duhej ta kishte prekur fëmijën pa lejen e prindërve, por shumë të tjerë e konsideruan reagimin e 40-vjeçarit si të tepruar.
“Ai kërkoi falje dhe i ofroi një pije.”
Videoja u postua në rrjetet sociale nga restoranti Bei-Ing Wanton Noodle, dhe postimi u shkrua nga një person që u prezantua si djali i të plagosurit dhe kërkoi ndihmë për identifikimin e sulmuesit.
Ai deklaroi se babai i tij është mbi 70 vjeç dhe ka pasur lëndime të mëparshme në këmbë dhe në legen, por se fillimisht nuk donte të vazhdonte më tej për shkak të incidentit.«Më pas, burri u ul me ate i kërkoi falje dhe i ofroi një pije», shkroi ai.
“Ndërsa e vlerësojmë që ai më në fund kërkoi falje, babai im tani ka dhimbje të forta shpine pas incidentit. Pija dhe një kërkimfalje nuk mund ta largojnë thjesht dhimbjen fizike ose lëndimet që ai po vuan tani”, shtoi ai.
Plaku: Vajzae vogël ishte shumë e lezetshme.
73-vjeçari i tha Channel News Asia se e përkëdheli vajzën në kokë sepse ajo ishte “shumë e lezetshme” me të.
«Të moshuarve u pëlqen t’i përkëdhelin fëmijët e vegjël në kokë», tha ai.
Ai shtoi se disa orë pas rënies, shpina filloi t’i dhembte dhe se po merrte Panadol për dhimbjen.
Djali i tij më vonë falënderoi policinë për reagimin e tyre të shpejtë dhe tha se familja “shpreson sinqerisht që drejtësia do të vihet në vend për babanë e tij”.
Një hetim policor është duke vazhduar.
