Ushtruesja e Detyrës së Presidentes, Albulena Haxhiu, priti në takim lamtumirës Shefen në detyrë të BE-së në Kosovë, Eva Palatova.
“U.D. Presidentja Haxhiu e falënderoi znj. Palatova për bashkëpunimin dhe angazhimin e saj gjatë shërbimit në Kosovë, si dhe vlerësoi mbështetjen e vazhdueshme të Bashkimit Evropian për proceset e rëndësishme të vendit”, thuhet në komunikatën për media të zyrës së Presidencës së Kosovës.
Gjatë takimit, U.D. Presidentja Haxhiu theksoi rëndësinë e bashkëpunimit të ngushtë me Bashkimin Evropian dhe të avancimit të mëtejmë të Kosovës në rrugën e saj evropiane.
“Ajo i uroi znj. Palatova suksese në angazhimet e saj të ardhshme”, vazhdon komunikata.
