Kryeministri i Shqipërisë, Edi Rama, ka reaguar pas shpalljes së aktgjykimit ndaj katër ish-krerëve të Ushtrisë Çlirimtare të Kosovës në Dhomat e Specializuara në Hagë.
Rama ka publikuar në rrjetet sociale një imazh me hartën e Evropës, të rrethuar me tela me gjemba, ndërsa në qendër të tij shkruhet me germa të mëdha “MARRE”.
Reagimi i kryeministrit shqiptar vjen gjatë shpalljes së aktgjykimit ndaj Hashim Thaçit, Kadri Veselit, Jakup Krasniqit dhe Rexhep Selimit në Hagë. Vendimi po shpallet gjatë ditës së sotme nga trupi gjykues.
