Komuniteti shqiptar në Texas do të zhvillojë të hënën, në orën 13:00 sipas kohës lokale, një protestë në Austin kundër verdiktit të Dhomave të Specializuara ndaj ish-krerëve të Ushtrisë Çlirimtare të Kosovës.
Protesta synon të shprehë kundërshtimin ndaj vendimit të gjykatës dhe mbështetjen për UÇK-në dhe krerët e saj.
Ndërkohë, kongresisti amerikan nga Texas, Keith Self, më 14 shtator, dy ditë para shpalljes së aktgjykimit, kishte shprehur shqetësimin për ndikimin e mundshëm të “anshmërisë politike” në vendimmarrjen e institucioneve të drejtësisë në Hagë.
“Shpresoj që një anshmëri e tillë të mos shfaqet këtë javë, kur të merret vendimi në gjykimin ndaj Hashim Thaçit dhe tre civilëve shqiptarë që luftuan për pavarësi pas viteve të shtypjes serbe”, kishte shkruar Self në X.
