Kuvendi i Republikës së Kosovës do të mblidhet në seancë plenare, ku në rend dite është miratimi i Deklaratës lidhur me Aktgjykimin e Dhomave të Specializuara të Kosovës, të datës 16 shtator 2026.
Seanca do të mbahet në orën 11:00, në Sallën e Seancave.
Krahas deklaratës, deputetët do të shqyrtojnë edhe pika të tjera të rendit të ditës. Fillimisht pritet të miratohen procesverbalet nga seancat e mëparshme, ndërsa deputetët e rinj do të bëjnë edhe betimin.
Në këtë seancë parashihet gjithashtu zgjedhja e nënkryetarit të Kuvendit nga Grupi Parlamentar i Partisë Demokratike të Kosovës.
Në rend dite është edhe formimi i komisioneve parlamentare.
