Nga 1 deri më 14 tetor do të zhvillohet faza vjeshtore e deratizimit në Prishtinë.
“Punimet do të realizohen në rrjetin e kanalizimit, garazhe, bodrume dhe hapësira publike, sipas renditjes së zonave dhe orareve të përcaktuara në planin dinamik”, ka njoftuar Komuna e Prishtinës.
Për rrjetin e kanalizimit, aktivitetet do të zhvillohen kryesisht në orarin 20:00–24:00, ndërsa për bodrumet dhe garazhet publike sipas orareve të përcaktuara për secilin lokacion.
